KUNDALIK YuZ UQALASh MAShQLARI

27-30 yoshdan boshlab yuzga alohida etibor talab etiladi. Kunduzgi va kechki kremlar surtish bilan chegaralanmay, yuzni uqalash mashqlarini ham o`zlashtiring.

1. Uqalashni boshlashdan oldin, sochlaringizni yig`ib oling, xalaqit bermasin. So`ng yuzingizga yoki qo`lingizga maxsus uqalash moyidan surtib uqalashni boshlang.

2. Ho`lni ikki yonoqqa qo`yib, ko`zlarni yuming-da, pastdan peshanaga qarab engil aylana harakatlar bilan yuzni uqalang. Bu uqalash mashqini 5 marta takrorlang.

3. Ko`rsatkich barmoqlarni peshana markazidan ikki chakkaga tomon aylana shaklda harakatlantiring. O`zingizni bo`sh qo`ying, iloji bo`lsa mashqlarni yoqimli musiqa jo`rligida bajaring.

4. Endi esa o`rta barmoq yordamida ko`z osti va qovoqni uqalang. Harakatlaringizni ko`z tagidan ikki chakkaga tomon yo`naltiring. Hovoqlarni ham xuddi shu usulda engil uqalang. Bu mashqni 6 marta qaytaring.

5. Ikki o`rta barmoqni birlashtirib, qoshlar o`rtasidan burunning uchigacha engil uєalang. Keyin burun atrofi, labning ustki va ostki єismlarini ham uєalaysiz. So`ng yana yuqoriga xuddi oldingi yo`nalishda qosh o`rtasigacha chiqasiz. Mashqni 10 marta qaytaring.

6. Barmoq uchlarini iyakdan quloq tomon yo`naltirib, nozik aylana harakatlar bilan uqalang. Mashqni 8 marta qaytaring.

7. Ikki qo`l bilan yuzni yopgan holda ikki yonga, so`ng pastga bo`yinga yo`naltirgan holda uqalang. Va yana shu uslubda yuqoriga qayting. Mashqni 10 marta takrorlang.

8. Yuzni doimiy uqalash qon aylanishini yaxshilaydi, ajinlarni tekislaydi va yangisi paydo bo`lishining oldini oladi. Yuzni uqalab bo`lgandan so`ng iliє suv bilan yuvib, krem surtib qo`ying. Istasangiz uqalash mashqlarini erta tongda bajaring, istasangiz uxlashdan avval.
Manba: Darakchi.uz