Makkajo'xorining shifobaxsh xususiyatlarini bilasizmi?

Hozirgi kunda makkajo'xorini deyarli barcha do'kon rastalarida uchratish mumkin. Uning tarkibida B, PP, C, fosfor, kaliy va yurak faoliyatini yaxshilovchi K vitaminlari mavjud. Yog'li taomlarni xush ko'ruvchilar bu sabzavotdan ko'proq tanovvul qilishlari lozim. Chunki u xolesterinni chiqarib yuborish xususiyatiga ega. Biz o'ylab ham o'tirmay tashlab yuboradigan makkajo'xori popugidan esa, dorishunoslar dori tayyorlaydilar. Quyida uy sharoitida makkajo'xori va uning popugidan tayyorlanadigan foydali reseptlar bilan o'rtoqlashamiz.

1. Glaukomada

15 gramm maydalangan makkajo'xori popugiga 1 stakan qaynagan suv quyib, 40 daqiqaga damlab qo'ying. So'ng uni dokada suzib olib bir kunda uch marta 1 osh qoshiqdan qabul qiling. Orqasidan bir oz vaqt o'tganidan keyin suvni iching.

2. Pankreatitda

2 dona makkajo'xorini yuvib, popuklaridan ajratmay, yumshaguncha qaynating. So'ng sabzavot qaynatilgan suvni, bir kunda uch marta bir stakandan ichib yuring, makkajo'xorini esa iste'mol qiling.

3. Qandli diabetda

2 osh qoshiq makkajo'xori uni va 1 osh qoshiq maydalangan na'matakni aralashtiring. Ustiga 2 stakan qaynagan suv quyib, bir necha daqiqa olovga qo'ying. So'ng 1 soatga damlab qo'yib, kuniga uch marta, ovqatdan 15 daqiqa o'tib yarim stakandan qabul qiling. 3 hafta muolajani qilib, 3 hafta dam olasiz.

4. Ortiqcha vaznda

Makkajo'xori ishtahani pasaytiruvchi eng samarali sabzavotdir. Shu sababli u semizlikdan aziyat chekayotganlarga tavsiya etiladi. Buning uchun 20 gramm makkajo'xori popugiga 200 ml. qaynagan suv quyib, 1 soatga damlab qo'ying. Damlamani kuniga 1 osh qoshiqdan 5 mahal iching.

5. Burun ustidagi qora nuqtalardan xalos bo'lishda

2 osh qoshiq makkajo'xori unini bir dona ko'pirtirilgan tuxum oqi bilan aralashtiring. Tayyor niqobni yuzdagi qora nuqtalar ustiga surting. Qurib qolganida oldin iliq, so'ng sovuq suv bilan yuving. Muammodan xalos bo'lish uchun muolajani ikki marta takrorlashingiz kifoya.

Salomatlik sirlari
Manba: Hordiq.uz