Moliyaviy mustaqillikka erishish oson

Oylikkacha hali bir hafta bor, sizning esa pulingiz tugab qoldimi? Tez-tez qarz olishga va o‘zingizni cheklashga to‘g‘ri kelayaptimi? Shaxsiy jamgarmalaringizning to‘g‘ri moliyaviy tizimini qurish uchun moliyachilar maslahatiga amal qiling.

Budjet ishlab chiqish

Bu zerikarli mashg‘ulot asosiy maqsad tomon borish uchun zarur. Moliyaviy reja eng muhimini aniqlash va g‘ayri ixtiyoriy xarajatlarga yo‘l qo‘ymaslikka yordam beradi. Bundan tashqari u bezovtalik darajasini kamaytiradi: agar pul rejasiz sarflanayotgan bo‘lsa, ish haqiga bir hafta qolganda har doim pulsiz qolish imkoniyati mavjud bo‘ladi.

Xavf-xatarni qabul qilish va hisobga olishni bilish

Tez boyishni va’da qiluvchi shubhali rejalarga pul sarflash va sarmoya kiritishdan qo‘rqish ham noto‘g‘ri. Mablag‘ni sarf qilish kerak. Lekin bundan oldin sizning moliyaviy maqsadlaringizga qaysi imkoniyatlar mos kelishini aniqlash va yuz berishi mumkin bo‘lgan xavflarni hisoblab chiqish zarur.

Nosog‘lom raqobatning oldini olish

Boshqalar bilan o‘zini solishtirish — shubhali tanlov. Agar odam yangi modadagi mashina yoki dang‘illama uyni boshqalarga o‘zining ustunligini ko‘rsatib qo‘yish uchun sotib olsa, u pulini va energiyasini bekorga sarflagan bo‘ladi. Shu bilan birga, o‘zining haqiqiy ahamiyatli maqsadlarini amalga oshirishdan uzoqlashadi.

O‘z shaxsini puldan ajratish

Moliyaviy mustaqillik — bu moliyadan ham mustaqil bo‘lish. Shuning uchun oylik yoki jamg‘arma hajmi o‘zi haqidagi fikrga ta’sir qilmasligi kerak. Ya’ni:

Inson qadr-qimmati kamtarona sharoitda ham jabrlanmasligi kerak.

Buyumlarga jiddiy e’tibor bermang

Moliyaviy jihatdan erkin odamlar o‘zlarining buyumlariga g‘amxo‘rlik qiladilar, lekin ularga sig‘inmaydilar. Agar kerak bo‘lsa ular isrofgarchiliklardan voz kechishga ham tayyor bo‘lishadi. Shuning uchun ularning hayotida faqat boylik orttirishgina emas, balki boshqa yoqimli lahzalar ham ishtirok etadi.
Manba: Daryo.uz