O`Z QADRINI BILGAN AYoLLAR UChUN...

Deyarli hamma uy bekalari yumushlarni bajarib bo`lgach «Ax, juda charchadim!» deya to`g`ri divan tomon oshiqishadi. Lekin «Nima ish qildim o`zi?» degan savolga jo`yali javob topilmaydi. Chunki qilingan ish har doim ham ko`zga ko`rinadigan bo`lavermaydi-da! Shunday bo`lsa-da charchoqqa sabab topiladi. Quyidagi maslahatlar sizga as qotib, shaxsiy lug`atingizdan «Charchadim» degan so`zni o`chirib tashlarsiz ehtimol...

1. O`zingizni kuzating. Shunda qaysi ish sizga og`irlik qilayotganini bilib olasiz. Va shunga qarab bajarilishi kerak bo`lgan ishlar taqsimotini kunma-kun tuzib chiqasiz.

2. Shoshqaloqligingizni tan oling! Nafaqat uy yumushlarida, balki boshqa ishlarda ham shoshganingiz-shoshgan. Natijada bir ishni tugatmay, keyingisini boshlaysiz. Xotirjam o`tirib, qilingan ishlar sarhisobini qilganingizda kamchiliklar chiqib keladi. Oqibatda o`sha ishni boshidan boshlashga kirishasiz. «Charchadim» so`zi nega og`zingizdan tushmay qolganini bilgandirsiz?

3. Kundalik bajarilishi kerak bo`lgan ishlarning bir xilligidan charchaysiz. Ikki bukilib kir yuvasiz, egilib kiyimlarga dazmol bosasiz, tik oyoqda turib ovqat pishirasiz… Oqshom esa bo`g`inlaringiz zirqirab og`riyotganini sezasiz. Har bir ishni o`zingizga qulay holatda bajarish mumkin-ku! Kir yuvayotganda belingiz og`ridimi, boshqa ishga o`ting. Uni bajarguningizcha kirlar biroz ivib tursa, yanada oson yuviladi. Bitta o`q bilan ikkita quyonni nishonga olasiz!

4. Ishlarini bajarishda tetiklikni saqlash uchun yumushlarni o`zgartirib turing. Ketma-ketlikni tuzish esa o`z qo`lingizda.

5. Agar kun bo`yi bir erda o`tirib ishlagan bo`lsangiz, uyda ko`proq harakatda bo`ling. Ishda tik oyoqda yurishga to`g`ri kelgan bo`lsa, uyda o`tirib bajarsa bo`ladigan yumushlar oraliq oyog`ingizga dam bering.

6. Agar biror ishni yaxshi ko`rib bajarilsa, u ish sifatida qabul qilinmaydi. Ko`pchilik esa uy ishlarini qilishga vaqt etishmasligidan noliydi.

7. Charchadingizmi, uy tozalashni biroz vaqt chetga suring. Oshxonaga kirib, sevimli salatingiz yo biror pishiriq tayyorlang. Yuzingizga niqob, qo`l-oyog`ingizgai vanna qilsangiz ham bo`ladi. Balki sochingizga bigudi qo`yarsiz…

8. Kayfiyatingizni boshqarishni o`rganing! «Charchadim», «qo`limdan kelmaydi», «Keyinga oldirsam-chi?» kabi bahonalarga o`rin qoldirmang. «Ko`zq o`roq, qo`l botir», degan maqol shioringiz bo`lsin. Shunda ishingiz unumdorligiga o`zingiz guvoh bo`lasiz. Qolaversa, vazningizdagi ortiqcha yog`lardan ham qutulasiz. Har kim charchoqdan har xil usul bilan forig` bo`ladi. Musiqa tinglaysizmi yo o`zingiz xirgoyi qilasizmi, gimnastikaga vaqt ajaratisizmi, xullas, uy ishlarida o`zingizning «men»ingizni topsangiz ishingiz oson bitadi!
Manba: Darakchi.uz