Oilada bepushtlik muammosi

Afsuski, bepusht oilalar oramizda
yo'q emas. Farzand ko'ra olmay
yuzlab shifoxonalarga qatnagan,
ko'plab qiyinchiliklardan o'tgan er-
xotin qanchalik qiynalishi
boshidan kechirmaganga
qorong'u bo'lsa kerak. Atrof
muhitning ta'siri, yaqinlarning
munosabatlari, do'st-
dushmanning gaplari bunday er-
xotinga juda katta psixologik ta'sir
ko'rsatadi.
Oilada bir necha yil davomida
farzand dunyoga kelmasa:
Avallambor to'g'ri va aniq
davolanish lozim. Afsuski, ayrim
shifokorlar davolash o'rniga
jarohat yetkazishi ham mumkin.
Qanday desangiz, noto'gir
diagnoz qo'yilib davolangan
kasallik og'ir oqibatga olib kelishi
mumkin. Shuning uchun
birinchidan, turmush
qurganingizga 1 yildan oshmagan
bo'lsa, aslo shifokorga murojat
qilmang. Sog'lom oilalarning 12%
da muntazam jinsiy aloqalar 8-12
oy davom etganda homiladorlik
yuz beradi. Siz ana shunday oilalar
qatorida bo'lishingiz mumkin.
Ortiqcha dori-vositalar bilan
sog'lom organizmingizga zarar
keltirib qo'ymang. Savodli shifokor
1 yillik kelin-kuyovga hech qachon
o'tkir davolanish mexanizmini
qo'llamaydi.
Agar oila qurganingizga 1 yildan
oshgan bo'lib homiladorlik yuz
bermay, shifokorga murojaat
qilishni ko'zda tutgan bo'lsangiz,
bunga mas'uliyat bilan
yondashing. Voydodshou.Net saytidan olingan. Tanishlardan
surushtirib yaxshi va ishonchli
shifokorni topib u bilan
maslahatlashing. Bepushtlikda eng
asosiysi - to'g'ri diagnostika.
Bepushtlik sababini aniq bilish uni
davolanishing 50% garovidir.
Bepushtlik sababi esa ayolda ham,
erkakda ham bo'lishi mumkin.
Shuning uchun diagnostikani er-
xotin birga boshlashi shart.
Bepushtlik sababi aniqlanganda,
davolanishni shifokorning
maslahatiga binoan amalga
oshirilish kerak. Shifokor aytgan
dori-vositalari adashtirilmay, o'z
vaqtida, kerakli miqdorda
o'zgartirilmay qabul qilinish kerak.
Bepushtlikka qarshi dori-vositalar
gormonal bo'lishi mumkin.
Gormonal vositalarni to'g'ri va
vaqtida ichmasa, davolanish
samarasiz bo'ladi. "Bu dori juda
kuchli, buning o'rniga boshqasini
ichaqoli", yoki "Dori soni ko'p
ekan, bir-ikkitasini ichmay qoya
qoli,"-deb shifokor bilan
maslahatlashmagan holda qaror
qabul qilsangiz davolanish
samarasiz bo'ladi.
Davolanish boshlanganda er-xotin
sog'lom hayot kechirishi kerak.
Vitaminga boy ovqatlanish, yog'liq,
achchiq ovqat va shirinliklarni
me'yoridan ko'p yemaslik lozim.
Erkaklar sauna va hokazolar orqali
jinsiy a'zolarini ortiqcha qizib
ketishidan saqlanishi maqsadga
muvofiq bo'ladi. Spirtli ichimliklar
va chekish davolanish davomida
iloji boricha yo'qqa chiqarilishi
lozim.
Stress va psixologik holat
davolanishga salbiy ta'sir
ko'rsatadi. Stress organizmda
kuchli gormonal o'zgarishlarni,
natijada ayollarda ovulyatsiya
buzulishini yoki boshqa salbiy
o'zgarishlarni yuzaga keltirishi
mumkin.
Davolanish tugab homiladorlik yuz
bermasa, tushkunlikka tushmaslik
zarur. Odatda davolanish tugasa
ham, organizmga vaqt talab
etiladi.
Shifokorning davolash
mexanizmini boshqa shifokor
bilan solishtirib ko'ring. Iloji bo'lsa,
bir necha shifokor maslahatini
olib, tahlil qilib ko'ring. Sizda
ishonch tug'diradigan, gaplari
asoslangan va samarasi
sezilayotgan shifokorda
davolanishni davom eting.
Davolanish haqida saytlarda
suhbatlashing. Bepusht bo'lib
farzand ko'ra olgan boshqa oilalar
bilan maslahatlashing.
Er-xotin bir-biringizga nisbatan
mehr-muhabbat bo'lsa kurashing.
Hozirgi kunda bepushtlikni
davolash yo'llari juda ko'p va
samarali. Tushkunlikka tushib,
ayblarga yo'l qo'ymang.
Birovlarning gina, kesatuvlariga
ahamiyat bermay o'z baxtingiz
sari intiling. Bir necha yildan so'ng
Olloh farzand berganda sizchalik
baxtli inson dunyoda bo'lmaydi.
Er-xotin bir-biringizni qo'llab
quvvatlang. Hozir eng muhimi
sizning munosabatlaringiz. Agar
birga kurashsangiz albatta
muammolarni yengasiz.
Farzand 10 yildan ortiq dunyoga
kelmasa, davolanishning yangi
uslublarini izlang, imkoniyat topib
chet el shifoxonalariga murojaat
qiling.
Eng asosiysi bunga kurashishga
sabab bo'lishi kerak. Bu sabab er
va xotinning aynan bir-biridan
farzand ko'rishni niyat qilishidir.
Bir-biringizni sevib, niyat qilib,
ishonsangiz, Ollohni o'zi farzand
beradi.
Bepusht er-xotin hali dunyoga
kelmagan farzandi bilan gaplashib
uni qanchalik kutayotganingizni,
sevishini aytib xayolan chaqirish
kerak.
Farzand ko'rishdan ortiqroq baxt
bo'lmasa kerak dunyoda. Bunday
baxtga barchamiz sazovor
bo'laylik. Ollohni o'zi har bir
juftlikka farzand bersin.