«PROSTATIT BEPUShTLIKKA OLIB KELADIMI?»

— Men prostata bezi shamollashidan davolangandim. Biroq haligacha farzandli bo`lolmayapman. Eshitishimcha, bunday kasallikdan so`ng bepushtlik kelib chiqar ekan. Shu rostmi?

Saydulla, Samarqand shahridan

Mirazim HAKIMOV, oliy toifali shifokor-urolog: — Prostata bezi shamollashi ta`sirida bepushtlik kelib chiqmaydi. To`g`ri, qisman ta`siri bo`lishi mumkin. Biroq davolanish to`liq bajarilsa, bemalol farzand ko`rish mumkin. Bepushtlik sababini aniqlash uchun gormonlar miqdori, ereksiya holati, urug` tahlili (spermogramma) kabi tekshiruvlar o`tkaziladi. Aksariyat hollarda jinsiy a`zolarda yallig`lanish, jinsiy yo`l orqali o`tadigan infeksiyalar, erkak urug`ining sifat darajasi pastligi yoki gormonlar etishmasligi sabab nasl qoldirish xususiyati pasayadi. Bu vaziyatda bepushtlikni chaqiruvchi holatlarni o`rganish uchun tekshiruvlardan o`tib, davolanish zarur.
Manba: Darakchi.uz