Pulingizni tejashga yordam beruvchi kundalik odatlar

Agar har kuni mayda-chuydalarga sarflanadigan xarajatlarning bir yilligini to‘plasak, ancha mablag‘ yig‘iladi. Biz siz uchun hayot tarzini biroz o‘zgartirish yo‘li bilan pullaringizni saqlab qolish to‘g‘risida bir necha maslahatlar to‘pladik.

1.Pullarda va foizlarda tejash o‘rtasidagi farqni esingizdan chiqarmang

Qiymati 10 000 so‘mlik tovarga qo‘yilgan 5% chegirma bilan 10 so‘mning 5 foizi bir xil bo‘lmaydi. Lekin bizning miyamiz hamma narsani soddalashtirishga o‘rgangan va bu farqni sezmaydi.

2. Nimanidir o‘zingiz bajaring

Yangi malakalarni egallash va har xil vazifalarni bajarish bilan huzur-halovat topish mumkin. Hayotga bunday munosabatda bo‘lish ovunishga va tejashga yordam beradi.

3. Ko‘ngil ochishni kechiktirishga o‘rganing

Siz do‘konda biror kiyimni birinchi ko‘rishdayoq yoqtirib qolasiz.Tajribali mutaxassislar bir lahzada paydo bo‘ladigan istaklar ta’siriga berilmaslikni, yoqtirgan buyumingiz oldiga keyinroq kelishni va istagingiz so‘nmaganini tekshirib ko‘rishni tavsiya qiladilar.

4. Do‘konda yurganingizda matematika bilan shug‘ullaning

Biror narsani sotib olishdan oldin sarflamoqchi bo‘lgan pulingiz agar har yili 10 foizdan ko‘payadigan bo‘lsa, 5 yil davomida qancha bo‘lishini hisoblab ko‘ring.

5. Status uchun xarajat qilmang

Behuda pul sarflaydigan do‘stlaringiz bilan maishat qilishni bas qiling.

6. Xarajatlarni nazorat qiling va to‘lovlarni avtomatlashtiring

Mutaxassislar mablag‘laringizni nazorat qilish uchun onlayn-banking tizimidan foydalanishni va “avtomatik to‘lov” xizmatini ishga tushirishni maslahat berishadi. Bu bepul va hech qanday kuch talab qilmaydi.
Manba: Daryo.uz