QORAYGAN QOZONNI OQARTIRIShNING OSON USULI

Ovqat pishiradigan qozon qorayib ketgan bo`lsa, uni oqartirish uchun ko`pchilik gaz pechi ustiga yoki ichiga qo`yadi. Ilgari men ham shunday qilardim. Yoqimsiz hidi, tutunidan bezor bo`lib, qozonni oqartirishning boshqa yo`lini izladim. Topdim ham. Hozir qozonimni suvda qaynatib, osongina oqartiraman.

Buning uchun oqartirish kerak bo`lgan qozoningiz to`liq botib turadigan katta idish kerak. Shu idishga oqartiriladigan qozon butunlay botib turadigan qilib suv quying. Ichiga qirg`ichdan chiqarilgan bitta kir sovun va 2-3 ta suyuq elim (qog`oz yopishtiradigan) va kirlangan qozonni solib, qaynating. Oxirida sim dasmol bilan osongina yuvib olasiz. Bitta sharti — elim qancha sifatli bo`lsa, qozon shuncha tez oqaradi.
Manba: Darakchi.uz