RO`ZG`ORDA ASQOTUVChI TAVSIYaLAR

1.Mevalarga yopishtirilgan yorliqni oson ko`chirish uchun 5 daqiqa fen issiqliqligida ushlab turing;

2. Kir yuvish kukuni solingan idishga yarim bo`lak limon sharbatini aralashtirib, so`ng ishga kirishsangiz sarg`aygan kiyimlar oppoq bo`ladi;

3. Don-dun saqlangan idish (banka) hidlanib qolsa, yarim choy qoshiq quruq xantal bilan chayib olsangiz kifoya;

4.Foydalanishdan oldin ko`katlarni tuzli suvda chayib olsangiz, ta`mi va hidi o`tkirlashadi;

5. Oshxona kafelni tozalashda ishlatilmaydigan tish cho`tkasidan foydalaning. Shunda orasiga yig`ilib qolgan chirklar qolib ketmaydi;

6.Pol lenoleumidagi dog`ni tish pastasi yordamida ketkazish mumkin. Buning uchun ozroq tish pastasini dog` ustidan ishqalab, so`ng artib oling;

7.Mikroto`lqinli pechni tozalash uchun shisha idishni suvga to`ldirib, yarim bo`lak limon qo`shing. So`ng 10 daqiqaga quvvat bering. Keyin shisha idishni olib, hosil bo`lgan bug`da pech ichini artib olasiz.
Manba: Darakchi.uz