SAQICh: FOYDA VA ZARAR

Foydasi

+ Saqichni chaynash jarayonida oshqozondagi suyuqlik shirasining ajralishi ortib, hazm qilish jarayoni yaxshilanadi.

+ Og`iz bo`shlig`idagi ovqat qoldiqlarining ma`lum qismini tozalaydi.

+ Ozish uchun tutiladigan parhezlarda saqichdan foydalanish mumkin. Lekin chaynash davomiyligi 10-15 daqiqadan oshmasligi lozim. Biroq egulik o`rniga saqich chaynash qat`iyan ta`qiqlanadi.

+ O`tkir ta`mli eguliklarni iste`mol qilgandan so`ng og`iz bo`shlig`idagi havoni tozalaydi.

Saqich chaynashning foydasi uzog`i bilan 10-15 daqiqagacha etishi mumkin.

Zarari

Muntazam saqich chaynash natijasida tishlar o`rnidan qo`zg`alishi mumkin.
Och qoringa saqich chaynash salomatlik uchun zararli. Boisi bunda oshqozonda ishlab chiqariladigan shiraning ortishi kuzatilib, oqibatda gastrit, hatto oshqozon yarasini ham keltirib chiqarishi mumkin.
Saqich chaynash vaqtida spirtli, gazli ichimliklar, sigareta chekish tavsiya etilmaydi. Sababi saqich xususiyatiga ko`ra turli konserogen moddalarni o`ziga singdirib olib, so`lak orqali organizmga tushiradi.
O`rganib qolmang!

Muntazam saqich chaynaydiganlarga ahamiyat bergan bo`lsangiz, ularda so`lak ajralishi faollashgan bo`ladi. Buning boisi shundaki, saqich chaynashda og`iz bo`shlig`idagi so`lak bezlari faol harakatga o`rganib qoladi. Hatto saqich chaynalmaganda ham og`iz bo`shlig`ida so`lak ajralishi davom etaveradi.
Manba: Darakchi.uz