​Sepkilni uy sharoitida qanday bartaraf etish mumkin?

Bahorda va erta yozda petrushka barglari va poyasidan niqob tayyorlasangiz, kuzda bu niqobni uning ildizidan tayyorlang. Buning uchun petrushka go`shtqiymalagichdan o`tkazilib (2 osh qoshiq bo`lsin), tozalangan yuzga 20-30 daqiqaga surtib qo`yiladi (ko`z atrofidan tashqari). So`ng sovuq suvda yuvib, hali nam teriga oziqlantiruvchi krem surtiladi.
Toza bodringni aylana shaklda to`g`rab, 20 daqiqaga yuzga terib quying. So`ng olib tashlang. Yoki kun davomida yuzingizni bodring sharbati bilan artib yuring. Uni yuvib tashlash shart emas.
Bir hovuch momoqaymoq gullari ustidan qaynagan suv quying. Sovigach, tindirib biror shisha idishchaga solib qo`ying. Bu loson bilan sepkillar zich joylashgan doylarni artib, 30 daqiqadan so`ng yuvasiz.
Shuningdek, bahor quyoshidan yuzingizni himoyalang. Maxsus kremlardan foydalaning.