Shifo maslahat: “HOMILADORLIKDA TIShNI DAVOLATSA BO`LADIMI?”

— Etti oylik homiladorman. Jag` tishim qattiq og`riq berayapti. Hozircha sho`r suv va moychechak damlamasi bilan og`zimni chayqab turibman. Ayrimlar bu vaqtda tishni oldirib bo`lmaydi, deyishayapti. Haqiqatan ham shundaymi?

Gulzoda Mamarasulova, Toshkent viloyati

Dilmurod ALIMOV, terapevt-stomatolog:

— Tishlardagi karioz kavak surunkali infeksiya o`chog`ihisoblanadi. Bu esa bo`lajak ona organizmi bilan bir qatorda homilaga ham nojo`ya ta`sir ko`rsatishi mumkin. Sizning holatingizda avval jag` tishni ko`rish lozim. Hozirgi zamonaviy stomatologiya imkoniyatlari homiladorlikda qo`llash mumkin bo`lgan preparatlarni taqdim etmoqda. Mazkur vositalardan o`z o`rnida to`g`ri foydalanilganda ona va bola salomatligixavfda qolmaydi.Davolovchi ginekologingiz bilan maslahatlashing-da, stomatolog ko`rigidan o`ting. Agar tishni olib tashlash lozim topilsa, amaliyot bajariladi. Ehtimol konservativ davo choralari ko`magida muammo hal qilinsa ham bo`lar.
Manba: Darakchi.uz