Shifo maslahat: “PARODONTOZ NASL SURADIMI?”

— Og`zimdan noxush hid kelayotgani o`zim ham sezila boshlagach, ishfokorga bordim. Menga parodontoz – milk yallig`lanishi tashxisini qo`yishdi. Aytishlaricha, bu kasallik nasl surar ekan. Haqiqatan ham shundaymi? Farzandlarimni parodontozdan qanday himoyalashim mumkin?

Sarvar, Samarqand viloyati

Sherzod XANNAROV, shifokor-stomatolog:

— Haqiqatan ham parodontoz kasalligi nasl surishi mumkin. Agar farzandlaringiz sog`ligidan xavotirda bo`lsangiz, ularga kichikligidan gigiena qoidalariga amal qilishni o`rgating. Chunki mazkur kasallik tish gigienasiga amal qilmaganlar orasida ko`proq kuzatiladi. Shuningdek, vitamin V va S etishmovchiligida ham parodontozga yo`liqish mumkin. Asli xastalikning nasliy va orttirilgan turlari tafovut qilinadi. Muolaja vaqti shifokor ana shu holatlarga ham diqqat qaratmog`i darkor. Stomatolog ko`rigidan so`ng antibakterial va vitamin terapiya tavsiya etilgan bo`lishi kerak. Barcha ko`rsatmalarga rioya qilsangiz, parodontoz asoratlaridan xoli bo`lasiz.
Manba: Darakchi.uz