Shifo maslahat: “TEPAKALLIK NASL SURADIMI?”

— Otamning sochlari siyraklashib, boshning old qismidan to`kilgandi. Amakimlarimda ham xuddi shunday bo`lgan. Bu holat keyinchalik menda ham kuzatilmaydimi? Oldini olish uchun nima qilish mumkin?

Sardor, Toshkent viloyati

Sherzod MAHMUDOV, shifokor-trixolog:

— Bu holat androgen alopesiya deyilib, erkak avlodidan soch to`kilishi nasl surishi mumkin. Sizda ham soch to`kilishiga moyillik bor-yo`qligini bilish uchun qondagi testosteron gormonining miqdorini aniqlashga doir tahlil topshiring. Tekshiruv xulosasiga ko`ra zarur davo choralari tavsiya etiladi.
Manba: Darakchi.uz