ShIMINGIZ YaLTIRAB QOLSA...

1. Kiyimlardagi, asosan shimlardagi yaltiroq izlar noto`g`ri dazmol qilishdan va uzoq vaqt davomida kiyilishi sababli paydo bo`ladi. Dazmolning yaltiroq izlari shimning har er-har erida bo`lsa, uzoq kiyilgan shimlarda tizza, bo`ksa va cho`ntaklar atrofida paydo bo`ladi.

2. Noto`g`ri dazmoldan kelib chiqqan dog`dan xalos bo`lish uchun sirkani suv bilan 1:2 nisbatda aralashtirib, dokani ana shu suvga bo`ktirib oling-da, dokani dog`lar ustiga qo`yib dazmol qiling.

3. 1 litrga suvga 2 choy qoshiq novshadil spirtini aralashtirib, toza matoni botirib oling-da, yaltiragan joylarni arting. So`ng namlangan toza doka qo`yib, shimni dazmollang.

4. To`q rangli shimlarni tozalashda achchiq damlangan qora choydan foydalanish mumkin. Buning uchun quyuq choy damlab, sovuganidan so`ng matoni botirib oling-da, yaltiragan joyni arting. So`ng shimni quritib, doka qo`yib, dazmol qiling.

5. Yorqinroq rangdagi shimlardagi dog`lardan xalos bo`lish uchun 2 dona piyozni po`stidan tozalab, go`shtqiymalagichda bo`tqa holiga keltirib oling. Bo`tqani shimning yaltiragan joylariga surtib, 1-2 soatga ivitib qo`ying. So`ng shimni yuvib tashlang.

6. Endigina paydo bo`lgan yaltiroq dog`lardanketkazish uchun limonni o`rtasidan bo`ling va yaltiragan joylarga ishqalang.
Manba: Darakchi.uz