Совун танлашнинг 5 қоидаси

Гигиена воситалари ичида энг кўп ишлатиладигани совун, десак муболаға бўлмайди. Қуйида уларни танлашда аҳамият беришимиз керак бўлган муҳим қоидаларни санаб ўтамиз. • Антибактериал совундан ҳар куни фойдаланиб бўлмайди. Унинг таркибидаги моддалар керакли бактерияларни ҳам ўлдиради. • Гул ва мевалар ҳиди уфуриб турган совун таркибида аллергияни қўзғовчи моддалар бўлади. Қолаверса, асосий қисми ишқордан иборат. У терининг кислота-ишқор мувозанатини бузади ва пўст ташлашини кучайтиради. • Глицеринли совуннинг афзаллик томони шундаки, у терини юмшатади. Бироқ таркибида глицериндан ташқари спирт ҳам бўлиб, совуннинг самарасини камайтиради. • Энг яхшиси — болалар совуни. Таркибида ишқор ва терини қуритувчи моддалар минимал даражадан кам. Бундан ташқари, унга табиий ўсимлик экстрактлари ва юмшатувчи таркибий бирикмалар қўшилади. • Хушбўй, чиройли, оч рангли совунларни танламанг, айнан шундай совунларнинг фойдаси камроқ бўлади. Manba: Darakchi.uz