SUMKALARNI YaNGIDEK KO`RINIShGA KELTIRISh UChUN...

Charm va matodan ishlangan sumkalardagi chang va qoraygan dog`larni ketkazish uchun yarim litr suvga gliserinli suyuq sovundan qo`shib, ko`pirtirib aralashtiring. yumshoq, qirmaydigan matoni aralashmaga botirib, sumkanig qoraygan joyini arting. Kirlangan qismini tozalaganingizdan so`ng oqava sovuq suvda chayib, quriting. Sumka matosi to`liq qurishi uchun ichki astarini tashqariga olib, quritish kerak.

Siyoh dog`i tekkanida paxtali tamponni spirt eritmasida namlab, sumka matosiga zarar etkazmaslik uchun avval ko`rinmaydigan joyini artib sinab ko`rishingiz mumkin. Agar sumka mastosining rangi chiqmasa, spirt eritmasida siyoh dog`iini ham ketkazish mumkin.

Sumkangizning rangi o`chgan bo`lsa, charm matolarga ishlov beriladigan lason bilan mato yuzasini arting. Agar bunday lasoningiz bo`lmasa, sumkangiz rangiga qarab oddiy qora moy yoki zaytun yog`idan foydalanish ham mumkin. Asosiysi, moylardan foydalangandan so`ng toza paxta bilan yuzasini artib, ortiqa moylardan tozalang.

Charm matoli sumkalarni yangiday ko`rinishga keltirish uchun ilitilgan sut bilan artish mumkin. Shuningdek duxoba va barxat matosidan ishlangan sumkalar uchun ham sutga shimdirilgan paxta matosini ishlatish tavsiya etiladi.
Manba: Darakchi.uz