TANAMIZNI TUShUNIShNI O`RGANAMIZ

Tana – ichki olam ko`zgusi canaladi. Tashqi ko`rinishimiz, qomatimizdagi u yoki bu qusur o`z-o`zidan paydo bo`lmaydi, balki ruhiyatimizdagi yashirin muammolardan darak beradi. Muhimi, vujudimiz xaritasini yaxshilab o`rganib, undagi belgilarni to`g`ri talqin qila bilish kerak. Shundagina ruhimiz ravshan, qomatimiz esa tik va go`zal bo`ladi.

Ikkinchi dahan fikrini to`liq ifodalay olmaydiganlarda uchraydi. Bunday insonlar o`z nutqini bo`yab-bejashga xarakat kilishadi. Ko`pincha yarim haqiqat va yarim yolg`on orasida muvozanat saqlashga intilishadi.

Echim: balki bir muddatga bo`lsa-da, o`ylaganlaringizni ochiq-oydin, yashirmay aytishga urinib ko`rarsiz. Buni tashqi go`zalligingizga ta`siri kursatishi haqida ham o`ylang.

Bo`yindagi ettinchi umurtqa pog`onasi atrofida to`planadigan o`ziga xos yog` qatlami aybdorlik belgisi hisoblanadi. Inson o`zini o`zi biron narsada ayblashi yoki atrofdagilar unga shu hisni singdirishlari mumkin. Har ikki holatda ham bu aybdorlik yuki shu qadar og`irki, ba`zan jismoniy jihatdan o`zini ko`rsatib, bo`yningizni egib qo`yadi.

Echim: agar o`zingizni aniq bir narsa uchun aybdor deb his etsangiz, xayolan biror jazo o`ylab toping va uni boshdan kechiring. Shunda aybdorlik hissi ortga chekinadi.

Qo`llar – ularga qarab insonning ijtimoiy moslashuvdan naqadar muvaffaqiyatli o`ta olishi baholanadi. Ya`ni biron yangi jamoaga kirganda, u qanchalik kirishib keta oladi yoki yo`q – buni qo`llar oshkor etadi. Ko`pchilik orasida o`zini noqulay his etadiganlarning barmoqlari, bilagi va kafti semiradi.

Echim: kirishimlilikka ham o`rgansa bo`ladi. Buni avvaliga tanishlar orasidan boshlang. Asta-sekin notanishlar bilan ham dadilroq muomala qilishga o`ting. Qo`rqmang, eb qo`yishmaydi!

Elkalar – mas`uliyat yukini ko`tarib yurgani uchun ham, insonning naqadar mas`uliyatliligi ularga qarab belgilanadi. O`zi qodir bo`lgandan ortiqroq mas`uliyatni zimmasiga olganlarning elkasi qiyshayib, qomati xunuklashadi.

Echim: zimmangizga birovlarning yukini olmang, aksincha, vaqti-vaqti bilan o`zingiznikini ko`tarishib yuborishlari uchun atrofdagilardan yordam so`rab turing.

Bel – hissiyotga beriluvchan insonlarning nozik joyi. Atrofdagilarni o`z muruvvatingizu achinishingiz bilan ezib qo`ymasligingiz uchun, belingizning atrofida yog` to`plana boshlaydi.

Echim: hissiyotga beriluvchanlik odatini tashlang. Unutmang, atrofdagilar ko`pincha o`z muammolarini o`zlari hal eta oladilar. Siz ortiqcha mehribonligingiz bilan ularga fakat xalaqit berishingiz mumkin.

Qorin – jami qo`rquv va xavotirlarning makoni. Ko`pincha farzandi bilan muammolari bo`lgan onalarda yoki biron yangi g`oyani pishitib yurgan ijodkorlarda qorin katta bo`ladi. Ortiqcha xavotirlarga berilish qorinni kattalashtirib, xomsemiz qilib qo`yadi. Katta va qattiq qorin amalga oshmagan onalik tuyg`usi belgisidir.

Echim: Deyl Karnegining maslahatiga amal qiling: «Xavotirlanishni bas qilib, yashashni boshlang!».

Biqinlarning semirib ketishi o`z-o`zidan qoniqmaslik va shunga bog`liq tarzda yuzaga keladigan jizzakilik natijasidir. Bu tuyg`u atrofdagilarga ham yuqadi.

Echim: kamroq tanqid, ko`proq harakat lozim. Boshqalarni o`z baxtsizligida ayblab o`tirish – boshi berk ko`cha degani. Yaxshisi, nima qilsangiz hayotingiz yaxshiroq o`tishi haqida o`ylang.

Oyoqlarning tizzadan tepasi semirishi kuchli xususiy mulkchilik tuyg`ularining natijasidir. Ular eski narsalarni tashlab yuborishni istashmaydi. Ahamiyatini yo`qotgan munosabatlarni ham saqlab turishga intilishadi. O`zlariga yoqmasa ham, eski ishlarini tark etgilari kelmaydi.

Echim: hayotingizga yangiliklarni kiritish uchun ularga yo`l bo`shatish, joy ochish kerak. O`z odatlaringiz va qadriyatlaringizni taftish eting. Ularni saralab olganingizdan so`ng, tanangizning bu qismidagi muammodan ham xalos bo`lasiz.
Manba: Darakchi.uz