TOP-10: ShIFOBAXSh URUG`LAR

Sabzi urug`ini ezib, ovqatlanishdan oldin yarim choy qoshiq iste`mol qilsangiz, buyrak va o`t qopini tosh, qumlardan tozalaydi.

Bronxit va o`pka yallig`lanishida kuniga yarim choy qoshiq zira iste`mol qilish foydali.

Agar yurak xastaliklari bezovta qilsa, 1 kunda 2-3 marta petrushka urug`idan 0,5 grammdan eyish mumkin.

Prostata bezi xastaliklarida kuniga 1 osh qoshiqdan 2-3 marta qovurilmagan qovoq urug`ini eyish kerak. Yana qovoq urug`i gijjalardan xalos bo`lishda foydali vosita hisoblanadi.

1 choy qoshiq shivit urug`ini 200 ml. qaynatilgan suvga solib, iching. Oshqozon-ichak xastaliklari va o`t qopida qum, tosh yig`ilganda shifo bo`ladi.Ovqat hazm bo`lishini tezlashtiradi.

1 choy qoshiq arpabodiyon urug`ini 200 ml. qaynatilgan suvga solib ichsangiz, o`t qopida qum, tosh yig`ilishining oldi olinadi, ichaklar yallig`langanda shifo bo`ladi.

1 osh qoshiq kashnich urug`ini 1 stakan qaynoq suvga solib, 30 daqiqa tindiring. Kuni 3 mahal ovtqatlanishdan yarim soat avval 2 osh qoshiqdan damlamadan iching. Oshqozon-ichak xastaliklari, jigar, o`t qopi kasalliklarida tavsiya etiladi.

Kuniga 1 choy qoshiqdan xantal urug`ini iste`mol qilish oshqozon-ichak xastaliklarida foydali. U ishtahani ochib, ovqat hazm bo`lishini yaxshilaydi, qabziyatda foydali.

Qovun urug`i qondagi qand miqdorini kamaytiradi. Buning uchun qovun urug`ini yaxshilab ezib, 1 osh qoshiq un bilan aralashtiring. 1 stakan qaynoq suvga solib, 1 soat tindiring. Kuniga 3 mahal, ovqatlanishdan oldin 1 stakandan iching.

1 osh qoshiq tozalangan tarvuz urg`ini 2-4 osh qoshiq qaynatib sovutilgan suv bilan aralashtirib, har 2-3 soatda 3 osh qoshiqdan ichish, isitmani tushiradi.
Manba: Darakchi.uz