UY ShAROITIDA TEZ YoRDAM

— Yuz terisini tiniqlashtirish uchun uy sharoitida nimalarni tavsiya etasiz? Husnbuzarlar toshsa, birinchi yordam qanday bo`lishi mumkin?

Ismigul

Mahbuba MAMANOVA, kosmetolog: — Uy sharotida yuzni tozalash uchun birinchi navbatda yog`siz atir sovundan foydalanishingiz mumkin. Sovunni yaxshilab ko`pirtirib, yuz aylanasi bo`ylab surtasiz va 5 daqiqadan so`ng iliq suvda chayib, pastdan yuqoriga qarata arting. Shuningdek, toshmalar tez-tez bezovta qilsa, dorixonadan 3 foizli perekis eritmasini xarid qilib, teri yuzasini tozalang. Agar yuz terisida oqish rangdagi kichik toshmalar bo`lsa, bilingki, ichki a`zolaringizda shamollash holati mavjud. Aksariyat hollarda bu bachadon, siydik yo`llaridagi yallig`lanish yoki gormonal o`zgarishlar va vitamin etishmasligi sabab yuzaga keladi. Bunday vaqtlarda turp urug`idan ham tez foyda beruvchi niqob tayyorlash mumkin. Buning uchun turp urug`ini ozroq suv bilan aralashtirib, yuzingizga niqob qilib surtasiz va 10-15 daqiqadan so`ng iliq suvda yuvasiz.
Manba: Darakchi.uz