Uyni toza tutish uchun nimalarga e’tibor berish kerak?

Bugun biz sizga uyni tozalikda saqlash uchun muntazam ravishda nimalar qilish kerakligi haqida aytib bermoqchimiz. Balki siz ba’zi narsalar haqida unutgan bo‘lishingiz mumkin.

Choyshablarni haftada bir marta almashtirish kerak

Amerikalik mashhur dermatolog Joel Shlessinger yostiq jildlari va choyshablarni har hafta almashtirishni tavsiya qiladi. Ish kunidan keyin teri va sochlardan yog‘ va zararli bakteriyalar ajralib chiqadi — ular turli xil toshmalar paydo bo‘lishiga sabab bo‘ladi. Siz uxlashga yotasiz va ular choyshablarga o‘tib oladi. Bunday holat har kuni yuz beradi.

Vannaxonadagi sochiqni — har uch kunda

Vannadan keyin tana yuzasida artinganda sochiqqa o‘tib qoladigan va yana tanaga qaytib keladigan terining millionlab o‘lik hujayralari qoladi. Agar sochiq ochiq havoda shamollatilmasdan vannaxonada quritilsa, yoqimsiz hid paydo bo‘ladi.

Qo‘l artiladigan sochiqdan hech qachon yuz uchun foydalanilmaydi — bakteriyalar qo‘ldan yuz terisiga o‘tishi mumkin. Yuz artadigan sochiqni har foydalangandan keyin almashtirish kerak.

Chiqindilar uchun chelakni — ikki haftada bir marta

Chiqindini tashlab, paketni almashtirgandan keyin albatta qo‘lingizni yuving. Chiqindi chelagida siz tasavvur qilganingizdan ham ko‘ra ko‘proq bakteriyalar yashaydi. Bakteriyalar butun uyga tarqalib ketmasligi uchun u ham ikki haftada bir marta maxsus vositalar yordamida jiddiy zararsizlantirishni talab qiladi.

Sovitgichni bir haftada ikki marta artish kerak

Sovitgichni xuddi muntazam ravishda yuvish kerak emasdek ko‘rinadi. Bu noto‘g‘ri. Oziq-ovqatlar bakteriyalar ko‘payishiga sabab bo‘ladigan joylarda ham buziladi. Shuning uchun bir haftada ikki marta ho‘llab tozalash ishlarini amalga oshirib turish kerak.
Manba: Daryo.uz