Yurak aritmiyasi hayot uchun xavflimi?!
- Категории: Ajoyib foydali maslahatlar / juda foydali maslahatlar
- Название: Yurak aritmiyasi hayot uchun xavflimi?!
- Дата релиза: 21-06-17, 23:57
Yurak aritmiyasi hayot uchun xavflimi?!
Yurak urishi maromining buzilishi bilan kechadigan xastalik yurak aritmiyasi deyiladi. Aritmiyalar o`z ichiga yurakning notekis, haddan ziyod tez yoki me`yordan tez urishi kabi holatlarni qamrab olgan. Kasallik nimasi bilan xavfli? Davolash chorasi-chi, faqat operasiyami? Shu kabi savollar bilan Respublika Ixtisoslashtirilgan kardiologiya markazi elektrofiziologik tekshiruvlar bo`limi mudiri Ramesh HAMRAEVga murojaat qildik.
Asorati qanday?
Boshqa a`zolarga nisbatan yurakning ishi qiyinroq va anchayin xavfli. Yurak dabdurustdan to`xtab qolishi, tez urib ketishi yoxud sekinlashishi mumkin. Bemorga aritmiya tashxisi qo`yildimi u albatta davolanishi shart. Negaki, kasallik o`z vaqtida muolaja qilinmasa, o`ta jiddiy asoratlar, nogironlik hamda kutilmagan o`lim holatiga olib kelishi mumkin.
Turlari
Aritmiyaning har xil turlari mavjud bo`lib, eng ko`p uchraydiganlari bilan tanishtiramiz. Bular yurakning tez urib ketishi bilan bog`liq aritmiyalar hamda yurak maromining pasayib ketishi bilan xarakterlanadigan kasallik ko`rinishlaridir. Har qaysinisi hayot sifatining yomonlashishi va salbiy oqibatlarga olib kelishi bilan xavfli sanaladi.
Yurak urishining 90 tadan ortiq bo`lishi taxikardiya deyilib, uning yurak qorincha usti, yurak qorinchasi taxikardiya turlari mavjud. Yurak qorincha usti bo`lmachalar taxikardiyasi ham bir qancha turlarga ajratiladi. Deylik yuragingiz normal holatda 70-80 ta urib turib, to`satdan tezlashib ketadi va 150-160 hatto undan ham tezroq ura boshlaydi. Bu taxikardiyaning to`satdan yurak urishi bilan namoyon bo`ladigan xilidir.
Aritmiyaning hilpirovchi turi ham bo`lib bunda yurak urish soni palapartish yuz beradi. Bezovtalik to`satdan boshlanishi yoki doimiy holatga o`tishi mumkin.
Yurak o`tkazuvchanlik yo`lida qo`shimcha yo`lning paydo bo`lishi oqibatida kelib chiqadigan aritmiya. Asosan tug`ma ko`rinishda bo`lsa ham qo`shimcha yo`l faollashganidagina bezovtalik kelib chiqadi. Mazkur holat asosan 40 yoshdan oshganlarda ko`proq kuzatiladi.
Bezovtalikning aniqlanishi...
Yurakdagi o`zgarishlar hamisha ham og`riq bilan ifodalanmaydi. Holsizlik, yuqoriga ko`tarilganda xansirash, qon bosimining ortishi yoki kamayishida yuz beradigan o`zgarishlarda hamda yurak urishiga ahamiyat bering. Mazkur jarayonlar tashxis qo`yishda asqotishi mumkin. Agar yurak urishi izdan chiqayotganini sezsangiz albatta mutaxassisga uchrashing. Bilib–bilmay tinchlantiruvchi vositalar yoki biror bir dori preparatini qabul qilish mumkin emas. Yurak aritmiyasiga tashxis qo`yishda EKG tahlili, murakkab aritmiyalarda esa 24 soat davomida yurak faoliyatini yozib boruvchi Xolter bo`yicha EKG tekshiruvlari o`tkaziladi.
Muolaja
Aritmologiya yosh soha hisoblansada jadal rivojlanib bormoqda. 10-15 yil ortga nazar tashlaydigan bo`lsak, xastalikka qarshi kurashishda faqat dori – darmonlarga murojaat qilingan xolos. Ammo preparatlar darddan butunlay forig` bo`lish imkonini bermagan. Halqaro miqyosda o`tkazilgan tadqiqotlar xulosasi shuni ko`rsatadiki, kasallikka chalingan insonlarning 50 foizidan ortig`i dori vositalarini to`la-to`kis o`z vaqtida qabul qilmaydi. Bu o`z o`rnida aritmiyaning surunkali turga o`tishiga, nogironlik yoki erta o`lim holatlariga etaklaydi.
Bugunga kelib, aritmiyalarning 90 foizdan ortig`i intervesion jarrohlik amaliyoti yordamida davolanmoqda. Bemor operasiyadan so`ng umrbod dori ichishdan halos bo`ladi hamda hayot sifati yaxshilanib, salbiy oqibatlarning oldi olinadi. Shu o`rinda savol tug`iladi, amaliyot qanchalik xavfsiz? Jarrohlik muolajasi narkozsiz, ko`krak qafasini ochmagan holda faqatgina qon tomirlari orqali, mahalliy og`riqsizlantirish yo`li bilan amalga oshiriladi.
Xuruj yuz berganida...
Kutilmaganda yurak urishi tezlashib, go`yo ko`kragingizdan otilib chiqadigandek tuyulayaptimi? Bu holat aritmiyaning xurujli ko`rinishidan darak bo`lishi mumkin. Diqqat qiling:
– Tor bichimli kiyimda bo`lsangiz, yoqasini bo`shating. Qorinni siqib turgan kamardan xalos bo`ling;
– Turgan holatda xurujga chap berish qiyinroq. Qulay o`tirib olganingiz ma`qul;
– Nafas olish maromini tartibga keltirish uchun ko`zlarni yumib, biroz tin oling;
– Yoningizda biror kim bo`lsa xona derazalarini ochishga ko`maklashsin. Tez-tez nafas olishga shoshilmang;
Xuruj o`tib ketavermasa, tez yordam xizmatiga murojaat qilish zarur.
N.Ilyosova tayyorladi
Manba: Darakchi.uz
Asorati qanday?
Boshqa a`zolarga nisbatan yurakning ishi qiyinroq va anchayin xavfli. Yurak dabdurustdan to`xtab qolishi, tez urib ketishi yoxud sekinlashishi mumkin. Bemorga aritmiya tashxisi qo`yildimi u albatta davolanishi shart. Negaki, kasallik o`z vaqtida muolaja qilinmasa, o`ta jiddiy asoratlar, nogironlik hamda kutilmagan o`lim holatiga olib kelishi mumkin.
Turlari
Aritmiyaning har xil turlari mavjud bo`lib, eng ko`p uchraydiganlari bilan tanishtiramiz. Bular yurakning tez urib ketishi bilan bog`liq aritmiyalar hamda yurak maromining pasayib ketishi bilan xarakterlanadigan kasallik ko`rinishlaridir. Har qaysinisi hayot sifatining yomonlashishi va salbiy oqibatlarga olib kelishi bilan xavfli sanaladi.
Yurak urishining 90 tadan ortiq bo`lishi taxikardiya deyilib, uning yurak qorincha usti, yurak qorinchasi taxikardiya turlari mavjud. Yurak qorincha usti bo`lmachalar taxikardiyasi ham bir qancha turlarga ajratiladi. Deylik yuragingiz normal holatda 70-80 ta urib turib, to`satdan tezlashib ketadi va 150-160 hatto undan ham tezroq ura boshlaydi. Bu taxikardiyaning to`satdan yurak urishi bilan namoyon bo`ladigan xilidir.
Aritmiyaning hilpirovchi turi ham bo`lib bunda yurak urish soni palapartish yuz beradi. Bezovtalik to`satdan boshlanishi yoki doimiy holatga o`tishi mumkin.
Yurak o`tkazuvchanlik yo`lida qo`shimcha yo`lning paydo bo`lishi oqibatida kelib chiqadigan aritmiya. Asosan tug`ma ko`rinishda bo`lsa ham qo`shimcha yo`l faollashganidagina bezovtalik kelib chiqadi. Mazkur holat asosan 40 yoshdan oshganlarda ko`proq kuzatiladi.
Bezovtalikning aniqlanishi...
Yurakdagi o`zgarishlar hamisha ham og`riq bilan ifodalanmaydi. Holsizlik, yuqoriga ko`tarilganda xansirash, qon bosimining ortishi yoki kamayishida yuz beradigan o`zgarishlarda hamda yurak urishiga ahamiyat bering. Mazkur jarayonlar tashxis qo`yishda asqotishi mumkin. Agar yurak urishi izdan chiqayotganini sezsangiz albatta mutaxassisga uchrashing. Bilib–bilmay tinchlantiruvchi vositalar yoki biror bir dori preparatini qabul qilish mumkin emas. Yurak aritmiyasiga tashxis qo`yishda EKG tahlili, murakkab aritmiyalarda esa 24 soat davomida yurak faoliyatini yozib boruvchi Xolter bo`yicha EKG tekshiruvlari o`tkaziladi.
Muolaja
Aritmologiya yosh soha hisoblansada jadal rivojlanib bormoqda. 10-15 yil ortga nazar tashlaydigan bo`lsak, xastalikka qarshi kurashishda faqat dori – darmonlarga murojaat qilingan xolos. Ammo preparatlar darddan butunlay forig` bo`lish imkonini bermagan. Halqaro miqyosda o`tkazilgan tadqiqotlar xulosasi shuni ko`rsatadiki, kasallikka chalingan insonlarning 50 foizidan ortig`i dori vositalarini to`la-to`kis o`z vaqtida qabul qilmaydi. Bu o`z o`rnida aritmiyaning surunkali turga o`tishiga, nogironlik yoki erta o`lim holatlariga etaklaydi.
Bugunga kelib, aritmiyalarning 90 foizdan ortig`i intervesion jarrohlik amaliyoti yordamida davolanmoqda. Bemor operasiyadan so`ng umrbod dori ichishdan halos bo`ladi hamda hayot sifati yaxshilanib, salbiy oqibatlarning oldi olinadi. Shu o`rinda savol tug`iladi, amaliyot qanchalik xavfsiz? Jarrohlik muolajasi narkozsiz, ko`krak qafasini ochmagan holda faqatgina qon tomirlari orqali, mahalliy og`riqsizlantirish yo`li bilan amalga oshiriladi.
Xuruj yuz berganida...
Kutilmaganda yurak urishi tezlashib, go`yo ko`kragingizdan otilib chiqadigandek tuyulayaptimi? Bu holat aritmiyaning xurujli ko`rinishidan darak bo`lishi mumkin. Diqqat qiling:
– Tor bichimli kiyimda bo`lsangiz, yoqasini bo`shating. Qorinni siqib turgan kamardan xalos bo`ling;
– Turgan holatda xurujga chap berish qiyinroq. Qulay o`tirib olganingiz ma`qul;
– Nafas olish maromini tartibga keltirish uchun ko`zlarni yumib, biroz tin oling;
– Yoningizda biror kim bo`lsa xona derazalarini ochishga ko`maklashsin. Tez-tez nafas olishga shoshilmang;
Xuruj o`tib ketavermasa, tez yordam xizmatiga murojaat qilish zarur.
N.Ilyosova tayyorladi
Manba: Darakchi.uz
Смс Шерлар
