Жуфтимизни «ипсиз боғлаш»ни ўрганамиз! (2-кисм)

Пазанда бўлинг! Эркак
кишининг юрагига ошқозон
орқали борилишини ҳар бир
аёл яхши билса керак. Баъзи
эрлар бор, таом борасида
инжиқ эмас, олдига
қўйганингизни еяверади.
Баъзилари эса жуда талабчан.
Аммо ҳар қандай эркак ҳам
ширин-ширин овқатларни
хуш кўради. Фақат кимдир
учун бу муҳим, бошқа биров
учун эса иккинчи даражали.
Мазали, чиройли пиширилган
ва безатилган таом эрингизга
бўлган меҳру эътиборингиз
изҳоридир. Иложи борича,
ранг-баранг таомлар
пиширинг.
Қариндошларини эътибордан
қочирманг! Унинг,
фарзандларингизнинг
туғилган кунларини биласиз
ва уларга алоҳида
тайёргарлик кўрасиз-а? Аммо
қайнона-қайнотангиз,
эрингизнинг опа-укаларининг
таваллуд кунларини ҳам
эслаб, турмуш ўртоғингиз
ишдан қайтгунча битта
ширин пишириқ тайёрлаб
туриб, бир йўқлаб келиш
таклифини айтсангиз, унинг
меҳри янада ортади.
Қизиқишларини баҳам
кўринг! Унинг севимли
машғулотларини ҳам севинг.
Футбол жиннисими, ҳеч
бўлмаса битта матчни бирга
кўринг. Балки сиз ҳам
қизиқиб қоларсиз. Иккингизга
бирдек қизиқ машғулотлар
топинг. Ёқтирган
қўшиқларини жамлаб, битта
дискка ёзинг-да, ишдан
қайтганидан сўнг қўйиб
қўйинг. Шунда унинг
кайфияти кўтарилади, бора-
бора яхши кайфият деганда
хаёлига сиз келасиз.
Мақтанг. Ҳар қандай эркак буни ёқтиради. Бу
муносабатларингизни янада www.voydodshou.net saytidan olingan яхшилайди. Эркак бутун дунё
учун бўлолмаса-да,
жиллақурса, бир киши учун
қаҳрамон бўлгиси келади. Сиз
уни шундай қаҳрамонга
айлантиринг. Ўла қолса,
сиздан нари кетмайди.
Ширин хотираларга
мурожаат этиб туринг.
Эрингиз илк бора сизнинг
нимангизни ёқтирганди? Сиз-
чи, унинг қайси жиҳатига
мафтун бўлгандингиз?
Шуларни хотирланг, ўша
фазилатларингизни ёрқинроқ
намойиш этинг. Эрингизда
ҳам сизни илк бор ром этган
хусусияти ҳамон сақланиб
қолган, фақат кундалик
ташвишлар пардаси ортида
қолиб кетган бўлиши мумкин.
Ўша пардани кўтаринг. Бир
кунга бўлса-да болаларсиз
ёлғиз тушлик ёки кечки
овқатни тановул қилиб,
ёшликни эсланглар.

Руҳшунос Шаҳноза Ҳалилова
тавсиялари асосида Шаҳноза
Тўрахўжаева тайёрлади