Bolalarning qiziq olamidan qiziq fikrlari

Bolalar tili chiqishi bilan o‘z
tillarida qiziqarli gaplarni
aytishadi. Ularning ma’nosi biz
gaplashayotgan tilda tushunarsiz
bo‘lsa-da, quyida o‘qib ko‘ring va
ulardan nimadir o‘ziga xoslikni
payqang.
Uch yoshli qiz otasining qovog‘i
uyilganini ko‘rib, ularni siladida:
–Sizning yuragingizning
jahllanishini istamayman, dedi…
Men dadamning
yordamchichasiman…
Bir yo‘q ekan, bir bor ekan. Bir
qirol va bir qirolicha bo‘lgan
ekan. Ularning esa qirolchasi
bo‘lgan ekan…
Oyi sizning atiringiz qanday zo‘r
sasimoqda!
Dada televizorning ovozini
pastlating, men ertagimni
eshitmayapman.
Bilasizmi, tovuqning burni bu
uning og‘zi…
Oyi, orqa oyog‘imni yopib
qo‘ying.
Dada qarang, shimingiz qovog‘ini
uyib qolibdi…
–Yoshing nechchida?
–Yaqinda sakkizga to‘laman,
hozir esa uchda.
Hali besh yoshga to‘lmagan qizga
“Oltin baliq” haqidagi ertakni
o‘qib berishibdi, u esa:
–Voy axmoq chol, hali yangi uy,
hali yangi tog‘ora so‘raydi. Darhol
yangi kampir so‘rashi kerak edi…
Ota avtomobilini urib olgani
haqida qayg‘urib gapirardi, besh
yoshli bolakay esa:
–Ana endi, benzin sotib olish
ham kerak emas…
–Nima uchun tirnalding?
–Mushuk uchun.
Turmushga chiqishdan qaytib
chiqish mumkinmi?
–Kim chiroyli, dadangmi,
oyingmi?
–Javob bermayman!
–Nega!?
–Oyimni xafa qilishni
xohlamayman…
Buvi, qarang o‘rdaklar,
ko‘lmakdan qaynatilmagan suv
ichishyapti…
Birinchi sinf o‘quvchisi birinchi
o‘qish kunidan uyga qaytgach,
oyisi:
–Bugun maktabda nima
o‘rganding?
–Yozishni.
–Birinchi kundanmi!? Xo‘sh, nima
yozding?
–Bilmayman, hali o‘qishni
o‘rganmadim…
Oyi, menga singil tug‘ib bering.
Faqat chaqaloq bo‘lmasin…
–Dada, dada menga baraban
sotib olib bering.
–Ha, menga o‘zi shuni shovqini
yetmayapti…
–Sotib olib bera qoling, men uni
faqat siz uxlaganingizda
chalaman.
–O‘g‘lim, ovqatingni yemasang,
hozir ajinani chaqiraman!
–Chaqiring, ajina ham
ovqatingizni yemaydi…
Yuqoridagi fikrlar bolalar
yozuvchisi Korn Chukovskiy
tomonidan to‘plangan.