Kutilmagan sevgi (Hikoya)

Aslida u yangi yilni yaxshi ko'rmaydi. Qolgan bayramlardan ajralib turadi, xolos, deb o'ylardi. Lekin bazm kechasida, soat millari o'n ikkiga yetib borganini anglatuvchi bong urilganda qilingan orzu albatta amalga oshishiga chin dildan ishonardi. Qiz shu kungacha turli tilaklarni tilagan, biroq, bu gal boshqacha niyati bor... Noodatiy istak. Xa, Nargiza bayramga taraddud ko'rishga qaramay uning hayollarini boshqa narsa o'g'irlagan. Dilidan o'tkazganlarini o'ylaydiyu, og'ir tin oladi. Afsuski, mo'jiza ham uni ortiga qaytara olmaydi... Qizning qo'llari titrab ketadi, ko'zidan yosh tomchilaydi. Bir hafta avval yaxshi ko'rgan insonining qalbiga ozor berganini esladi. Nargiza negadir Sardorning harahatlaridan shubhalandi. Shubxa o'zi bilan g'azabni yetaklab keldi. Qiz yigitini yolg'onchiga chiqardi, ikkiyuzlamachi, deya haqoratladi. Qaytib uchrashmaslikka va'da berdi. Ammon buni uyidagilarga qanday aytadi? Vaqtida "Nima bo'lsa bo'lsin, lekin shu yigitga turmushga chiqaman, deb oyoq tirab olgandi.." Shu tobda lablar pichirladi: "Meni kechiring, Sardor aka. Baxtli bo'ling, ilohim hayotda yo'lingizda qoqilmang... Birga bo'lmasakda, muhimi sizning baxtingiz!" Endi qiz qanday hatolikka yo'l qo'yganligi- yu, yonidagi ajoyib insonning qadriga yetmaganini tushundi. Afsuski, kech tushungandi... Nihoyat, soat o'n ikkiga bong urdi. Yangi yil kirib keldi, qiz xursingancha derazadan ko'chaga boqdi. Ne ko'z bilan ko'rsinki, qor bil qoplangan hovlining burchagida Qorbobo turardi. Atrofga qizil atirgullar sochilgan. Qiz bir yastanib yotgan gullargam bir Qorboboga termuldi. Bu kimning ishi bo'lishi mumkin? Ko'z o'ngida sevgilisi gavdalandi. Nahotki, shuncha qilmishlarimni unutgan bo'lsa?! Xonasiga kirib, apil-tapil ustiga issiqroq kiyimlarini tashladi-da, eshikni ochib, tashqariga otildi. Ko'chaga chiqsa, atrofdagi manzaradan karaxt ahvolga tushdi. Ok otirgullardan "Nargiza, Seni sevaman" degan jumla yozilgan ekan. Qiz birdan yig'lab yubordi, o'zidan nafratlanib ketdi. Shu mahal xovli burchagidan ovoz eshitildi: "Tezroq kelaqolsangchi, muzlab qolay dedimku!" Qiz ortiga o'girildi, ovoz egasi - Sardorini qidirishga tushdi. "Men shu yerdaman!" Nargizaning hayrati yanada ortdi, ovoz qayerdan kelayotgan ekan? "Topolmading- a?" - dedi xovli burchagidagi Qorbobo oxiri. Bu safar qiz turgan joyida qotib qoldi. Qorbobo qiz tamonga yurib kela boshladi. Qiz esa yugurdi, yugurib, Sardorning bag'riga otildi. - Meni kechiring, Sardor aka, iltimos kechiring. - Kechirdi, jinnivoy, kechirdim. Tezda ko'z yoshlaringni artib olchi. - Sizdan nohaq shubxalangan ekanman. Nargiza nigohlarini yerga qadadi - U voqealarni unutib bo'lganman. Sovg'alarimga rahmat aytish ham yo'g'a? Sardor o'zini xafa bo'lganga soldi - Katta rahmat! Sizni yaxshi ko'raman... - Men ham, jinnivoyim !