Men hanuz kimnidur intiq kutaman

Yostig‘im qatiga taxlab
sog‘inchni,
Armonni chalg‘itib, yonlab
o‘taman.
Bir yerga jamlolmay hayol –
notinchni,
Men hanuz kimnidur intiq
kutaman.
Daraxtlar bargini to‘kmoqda, illo,
Ko‘klamning ko‘kida qolgandi
umid.
Bunchalar shitobsan shoshqaloq
dunyo,
Yongan yuragimga taskining
shumi?
Yomg‘irlar ostida ividi orzu,
Falakning faryodi ko‘chdi dilimga.
“Qayt” deb yolvormoqda
mung‘aygan tuyg‘u,
G‘arib tashlab ketgan maxzun
kunimga.
Sharpalar izg‘iydi buzib sukutni,
Tunlarni tund etib, tongga
yetaman.
Quyoshning nuriga belab
shukuhni,
Men hanuz kimnidir intiq
kutaman.
She’r muallifi: Dilafzo – Umida
Karimova.