Nimalar bo'lmaydi yigitchilikda.

Boshi toshdan
bo'lsin erkakni doim,
Bolasi och qolsa qiyomat qoyim.
Xotinning zaxridan asra xudoyim,
Ko'chaga chiqadi tirikchilikka,
Nimalar bo'lmaydi yigitchilikda.
Kimgadir quchog'in ochadi
bozor,
Kimdir xunar bilar, kimdir
mardikor.
Kirakashlik qilar mashinasi bor,
Kimdir mehnat qilar
sherikchilikda,
Nimalar bo'lmaydi yigitchilikda.
Qancha yiroqlarni yaqin qilasan,
Tuproqni ham elab oltin qilasan.
O'zingdan o'tganin o'zing
bilasan.
Taqdirga tan berma bu
yo'qchilikda,
Nimalar bo'lmaydi yigitchilikda.
Xalol risqing terib yangi tongni
kut,
Umidni yo'qotma etagidan tut.
Besamar ketkazgan umringni
unut,
G'animat bo'lar bu kun
to'qchilikda,
Nimalar bo'lmaydi yigitchilikda