​Oyoqdagi shishlarni qanday ketkazish mumkin?

Oyoqdagi shishlardan asosan nozik hilqat vakillari aziyat chekadilar. Ushbu holatga issiqlik, mushaklardagi muammolar, buyrak faoliyatining buzilishi, homiladorlik, yurak etishmovchiligi va gormonal o`zgarishlar sabab bo`lishi mumkin.

1. Muammoga befarq qaramang va albatta shifokorga murojaat qiling. Oyoqlar nima sababdan shishib qolayotganini aniqlash zarur.

2. Xalq tabobati usullari ham kasallikni davolashda qo`l keladi. Shishlarga qarshi juda ko`p dorivor o`simliklar bor, ammo eng oddiy va samaralisi petrushka damlamasidir.

3. Bunday damlamani tayyorlash uchun bir bog` petrushka ko`katini (butunligicha) yaxshilab yuvib, go`sht qiymalagichdan o`tkazib oling.

4. Tayyor bo`tqani termosga solib, ustidan 500 ml qaynagan suv quying-da tonggacha damlab qo`ying. Damlamani uchga bo`lib, kun davomida 3 marta qabul qiling. Muolajani 2 kun ketma-ket takrorlang. So`ng 3 kun dam olib, yana 2 kun qabul qiling. Oyog`ingizdagi shishlardan xalos bo`lishning eng oson yo`li shu.
Manba: Darakchi.uz