«Айланай» пироги - еганлар дармонда, емаганлар армонда…

Зарур масаллиқлар: хамирига: 400 гр. ун, 200 гр. маргарин, 100 гр. майонез, 2 дона тухум, 1 чой қошиқ сиркада сўндирилган истеъмол содаси, 1,5 чой қошиқ хамирюмшатгич; ичига солишга: маймунжон жеми ёки мураббоси.

Тайёрланиши: 1. Қирғичдан ўтказилган маргаринни 2 ст. ун билан увалаб олинг. Аралашмадан ярим пиёла ажратиб қўйинг.

2. Маргаринли масаллиққа тухум ва истеъмол содаси қўшилган майонезни қўшинг. Уннинг қолган қисмини солаётганда хамирюмшатгични ҳам аралаштириб олинг. Хамир юмшоқ чиқиши керак.

3. Тайёр хамирни газ печи патнисига жойлаб, устига маймунжон жемини суртинг. Сўнг маргаринли аралашмадан олиб қўйилганини сепиб чиқинг.

4. Пишириқ 180 даражада қиздирилган газ печида 30 дақиқа давомида тайёр бўлади.

Тайёрланиш вақти: 30 дақиқа

8 кишилик
Manba: Darakchi.uz