Балиқли пирог - бир тайёрлаб кўринг-а!

Зарур масаллиқлар: 250-300 гр. ун, 180 мл. сув, 1 ош қошиқ хамиртуруш, 1 ош қошиқ зайтун ёғи, 1 чой қошиқдан туз ва шакар. Ичига: 700-800 гр. балиқ гўшти, яримта лимон бўлаги, ярим боғ кўкат.

Тайёрланиши: 1. Чуқурроқ идишга бир неча ош қошиқ илиқ сув солиб, шакар, туз ва хамиртуруш билан аралаштиринг-да, 15-20 дақиқага қолдиринг. Сўнг устидан зайтун ёғи, сувнинг қолган қисми ва ундан солиб, юмшоқ хамир қоринг.

2. Балиқни устидаги тангачалардан тозалаб, қанот ва бош қисмини олиб ташланг. Қорин қисмидан аста кесиб, ичини Ҳам яхшилаб тозаланг. Балиқнинг усти ва ичига лимон шарбатини суртиб, туз, мурч ва майда тўғралган кўкатлар билан маринадланг.

3. Ошган хамирни газ печи патнисига олиб, қўл бармоқлари билан текислаб ёйинг. Хамирнинг ўртасига балиқни қўйиб, четини икки тарафидан қайиринг. Учларини бир-бирига бураб, мустаҲкамланг-да, балиқ шаклини ясанг.

4. Пирог юзасига аталанган тухумдан суртиб, 200 даража Ҳароратда қизиган газ печида 40 дақиқа пиширинг.

Тайёрланиш вақти: 45 дақиқа.
Manba: Darakchi.uz