«Кабобмисан кабоб» - товуқ гўштидан ажойиб таклиф!

Зарур масаллиқлар: 1 кг. товуқ гўшти (суяксиз), 2 ош қошиқдан соя соуси ва помидор томати, 1 ош қошиқдан аччиқ қалампир, туз, зира, ярим боғ шивит. Гарнир учун: 2 та картошка, 1 стакан гуруч.

Тайёрланиши: 1. Товуқ гўштини ўртача катталикдаги тўртбурчак шаклида кесиб, соя соуси, туз, зира ва қалампир билан маринадланг.

2. Алоҳида идишда помидор томатини 1 стакан қайнатилган сув ва тўғралган шивит билан аралаштиринг.

3. Маринадланган гўштни кабоб чўпчасига териб чиқинг. Сўнгра тоблама идишига жойланг. Устидан томатли аралашмани қуйиб, 160 даража иссиқ ҳароратда қиздирилган газ печига қўйинг. Таом 30 дақиқада тайёр бўлади.

4. Гарнир учун картошкани қовуринг, гуручни эса димланг. Кабоб пишгач, ликопча ярмига гарнирни, ярмига эса кабобни жойлаб, дастурхонга тортишингиз мумкин.

Тайёрланиш вақти: 50 дақиқа
Manba: Darakchi.uz