LOSOS BALIG`IDAN ShOHONA TAOM

Zarur masalliqlar: 700 gr. losos balig`i, 4 osh qoshiqdan maydalangan bodom, yong`oq va kunjut, 2 osh qoshiq zaytun yog`i, 1 osh qoshiq dengiz tuzi, yarim choy qoshiq qora murch, kinza; Qayla uchun: 300 gr. mayda qo`ziqorin, 2 bosh qizil piyoz, 2 choy qoshiq sirka, 1 osh qoshiqdan sariyog` va zaytun yog`i, tuz, qora murch, ko`katlar.

Tayyorlanishi: 1. Baliq go`shtini bir xil kattalikdagi 4 bo`lakka bo`ling. Tuz sepib, 5 daqiqa qoldiring. Keyin sovuq suvda yuvib, quruq sochiq bilan arting.

2. Maydalangan bodom va yong`oq mag`ziga maydalangan kinza va qora murch qo`shing. Baliq go`shtlarini pishiriq qog`ozi ustiga qo`yib, yuziga bodomli aralashmadan surting. So`ngra zaytun yog`i seping. 170 darajada qizdirilgan gaz pechiga 25 daqiqaga qo`ying.

3. Piyozni yupqa qilib, halqa shaklida to`g`rang. Qo`ziqorinlarni maydalang. Sariyog` va zaytun yog`ini qizdirib, piyoz va qo`ziqorinlarni 10 daqiqa qovuring. So`ngra 4 osh qoshiq suv bilan sirkani soling-da, yana 10 daqiqa dimlang. Tuz, murch va ko`katlarni soling.

4. Pishgan baliq go`shtini qo`ziqorinli qayla bilan dasturxonga torting.

Tayyorlanish vaqti: 1 soat.

4 kishilik.
Manba: Darakchi.uz