Armonli muhabbat qissasi 2

Yana yurak qoldi huvullab
Ollohimdan vaslingiz tilab.
O'tdi kunlar, oylarni ulab,
Hamon sizni unutolmadim.

Ko'zlarimda aksingiz mudom,
Ovozingiz qalbimda hirom
Etar sira bermayin orom
Hamon sizni unutolmadim.

Yashayapman yagona sabab
Bu dunyoda boringiz uchun.
Axir birga emasmiz nechun?
Hamon sizni unutolmadim.

Derlar, davo vaqtningdir o'zi,
Sochlarimda qo'lingiz izi
So'nmadi hech ishqim ildizi
Hamon sizni unutolmadim.

Bu azoblar sira tugamas
Qo'ymas erkin olishga nafas
Cheki bormi hijron der qafas
Hamon sizni unutolmadim.

Siz xolimdan mutloq bexabar,
Qurshovdaman, ming bitta hatar
Yashayapman o'lgandan battar
Hamon sizni unutolmadim.

Baxor shaffof havosi bilan
O'rik gullar va hamnafasda
Qalbimdagi armon payvasta
Hamon sizni unutolmadim.

Bu bir sinov balki men uchun
G'amli kunlar taqdir sovg'asi
Inoyati, yoki tuhfasi
Hamon sizni unutolmadim.

Yozaversam dardim bir doston,
Bosgan izim ayriliq tomon
Xudoyberdi hali ham hamon
Sizni sira unutolmadim...

✍️ Xudoyberdi To'ychiyev