Dildora ismli qizga sher

Шамоллар ўйнаган сочингни, Силасам қанийди бир бора, Қучоғингга қўйиб бошимни, Ухласам қанийди Дилдора!

Бир гулга шайдоман шунчалар, Гўзалдир оламда ягона, Хуснидан уялгай ғунчалар, Чиройлигим мени Дилдора!

Тиниқдир юзларинг сув каби, Тўймасман термулиб минг бора, Бормикан шайдойинг мен каби, Севарман мен сени Дилдора!

Ёстиғинг остида суратим,
Сақлайсан беркитиб пинхона, Ўпмоққа етмасми журатинг? Ақалли суратим бир бора.

Бирлашсин тақдирнинг йўллари, Соғинчдан тўлмасин паймона, Синовли бу хаёт кунлари, Тут менинг қўлларим Дилдора!

Тўлдириб мухаббат кўлини, Севгимиз айлайлик ошкора, Бўлиб сен Онамнинг келини! Орзуйим ушалтир Дилдора!

Абдумуталиб Эргашалиев