Hozirgidek sevib yasholarmikan

Yor meni jonidan sevadi do‘stlar
Kun kelib ozorlar yetkazmasmikan?
Mensiz o‘tgan umrin laxzalarida
Meni hayolidan ketkazmasmikin?

Sog‘inchdan urganda yuragi to‘lib,
Dardin oymomaga aytmadimikan?
Visolimga peshvoz chiqmoqchi bo‘lib,
Biror sabab ortga qaytmadimikan?

Tunda shirin yodim bilan ko‘z yumib,
Tongda ismim aytib uyg‘ondimikan?
Shamollar o‘ynasa sochlarim silab,
Pinxona ulardan qizg‘ondimikan?

Majnundek men uchun qilib jasorat,
Xayratga solmoqni xoxladimikan?
Iforim o‘rnashgan dastro‘molchani,
Yostig‘in ostida saqladimikan?

Ko‘zlarida qolgan ko‘zlarim xaqqi,
O‘zgalarga nazar solmadimikan?
Bor-u yo‘g‘imda ham birdek sevarmi,
Ko‘nglidan hech kim joy olmadimikan?

Menga shodlik, go‘zal baxtlar ulashib,
Dard-u g‘amni olis tashlolarmikan?
Hozirgidek ishonch ila sirlashib,
Hozirgidek sevib yasholarmikan?

Yor meni jonidan sevadi do‘stlar,
Kun kelib ozorlar yetkazmasmikan?

Dilobar Uralova