Ishq o'ti

Тангрим оч руҳимнинг булоқларини,
Ишқ ювсин кўнглимнинг қирғоқларини,
Ҳис этай тафаккур тўлғоқларини,
Уйғонай!

Завқ олай муҳаббат қаҳридан,
Бол топай илонлар заҳридан,
Энг тоза туйғулар бағрида
Тўлғонай!

Қўл бериб малаклар, ҳурларга,
Дунёлар очмаган сирларга,
Ҳеч завол билмаган нурларга
Чўлғонай!

Қутқудан қонимни қутқарма,
Кўнглимни-хонимни қутқарма,
Бу ўтдан жонимни қутқарма,
Бир ёнай!