KO'NGLIM (2019)

Dunyoni dard ila ko'targan ko'nglim,
Azobni ranj ila ko'targan ko'nglim.
Ko'ksimga tig 'kabi qadalgan ko'nglim,
Adashib birovga atalgan ko'nglim...

Ustida tog'larni ko'targan ko'nglim,
Qop-qora dog'larni ko'targan ko'nglim.
Keraksiz toshdayin otilgan ko'nglim,
Yolg'onchi rozlarga sotilgan ko'nglim...

Duch kelding kimlarga meni zor ko'nglim,
Tor qilib dunyoni, o'zi tor ko'nglim.
Oqibat, mexrni izlagan ko'nglim,
Mexrsiz dillarni sizagan ko'nglim...

Qo'y, endi yig'lama bechora ko'nglim,
Adashgan sen emas, nachora ko'nglim.
Izlagin, topasan bir kuni ko'nglim-
O'zingdek mexrli ko'ngilni ko'nglim...!