Muhabbat og'ushi

Muhabbat og'ushiga chorlagan chog'lar,
Qalbimning chechagi tug'yon urgandi.
Bahorni etagin tutgan lolalar,
Chamanni bag'rida ishqqa burkandi.

Ko'nglimda yashirin unsiz nolani,
Shabada elitar shabnam boliga,
Soylarning ko'pirgan sho'x tomchilari,
Hayolni chalg'itar qo'ymay holiga.

Ohlarim zoridan sog'inchlar ortib,
Uyg'ondi muhabbat hayo bog'ida.
Gullardan taralgan anvoyi ifor,
Mastlatib anqidi yor dudog'ida.

Chashmaning yuzida aksi ko'rinsa,
Ko'rkidan hayratda quyosh qamashar.
Qaynagan buloqdek mehri tovlansa,
Muhabbat gulshani abadiy yashar.

Yusupova Zulfiya.