Seni bugun ko'rmasam bo'lmas

«Сени бугун кўрмасам бўлмас». (О.Маъдалиев)

Кўзларимда жоним бугун нурлар сўндику,
Юрагимга тоғлардайин армон қўндику,
Cизни қандай севишимни олам билдику,
Сизни гулим, бугун яна кўрмасам бўлмас!.
Қалб бемордир ишқингиздан аҳволи ночор,
Нигоҳларим соғинчимни йўлларга сочар,
Муҳаббатнинг кўзлари кўр ким уни очар,
Сизни гулим, бугун яна кўрмасам бўлмас!.
Ҳижрон дилни азоблайди висол гумондир,
Мени курган рақибларим лол-у ҳайрондир,
Ёлғизгина суянчиғим кучли иймондир,
Сизни гулим, бугун яна кўрмасам бўлмас!.
Агар сизда меҳр бўлса бир бора келинг,
Исо каби жон бергали бир бора келинг,
Ширин каби ҳол сўргали бир бора келинг,
Сизни гулим, бугун яна кўрмасам бўлмас!