Seni sogʻinaman

Sogʻinaman

Seni sogʻinaman,..
koʻzlarim emas
Savdoyi, saxroyi xayolim bilan.
Qanotsiz samoda uchaman bir pas,
Yiqilsam, ketaman uvolim bilan.

Seni sogʻinaman...
Ko'kka termulib,
Kulaman, yulduzlar sogʻinchimdan kam.
Oy ham tushib ketay deydi uzilib,
Xijron azoblari haqida aytsam.

Seni sogʻinaman...
Va., lekin,.biroq,
Birorta so'zim yoʻq, senga aytgali.
Ishonsang visoldan xijron yaxshiroq,
Yuraging orziqib ketgan mahali.

Seni sogʻinaman...
Bu shunday hiski,
Badar ketolmaysan, tanho qolmaysan.
Bu holat, bu tuygʻu haqda afsuski,
Azizim, hech qachon anglayolmaysan.

Dilobar Urolova