Sevar edim men sizni

Айтолмадим бир оғиз,
Юракка кўмдим сўзни.
Ўзимдан хам қизғониб,
Севар эдим мен сизни.

Шайдо эдим шундайин,
Фарход-у Мажнундайин!
Журъат етмай жиндайин,
Севар эдим мен сизни.

Севгимни рад этса деб,
Мендан кўнгли қолса деб,
Хадиксирабман ха деб,
Севар эдим мен сизни.

Гўзал қош-у кўзингиз,
Гўзал эди хуснингиз,
Тилдан қўймай исмингиз,
Севар эдим мен сизни.

Кечиролмайман ўзим,
Сизга айтолмай сўзим,
Армон бўлган гулюзим,
Севар эдим мен сизни.

Ўтди фурсатнинг дами,
Энди кечдир айтгани,
Билсам сиз хам мен каби,
Севар эдим мен сизни.

Абдумуталиб Эргашалиев