Sevolmas

Ko‘mdi, dil tubiga muhabbatini,
Ketdi, o‘rnatgancha adolatini,
Topdi izlagani, halovatini,
Endi sevolmaydi aslo o‘zgani.

Sindirdi, gap uqmas qalamlarini,
Otdi, qalbdan yulib alamlarini
Tiydi, unga eltar qadamlarini,
Endi sevolmaydi aslo o‘zgani.

Bitdi, shu nomani tavbasin qo‘shib,
Keldi, o‘z holiga osmondan tushib,
O‘ksindi, suyukli bolasin quchib,
Endi sevolmaydi aslo o‘zgani.

Tindi, ayb bo‘lmagan aybin tuzatib,
Qoldi, ko‘zida yosh, kulib, kuzatib,
Ko‘ndi, baxti tomon uni uzatib,
Endi sevolmaydi aslo o‘zgani.

Uningdek sevolmas aslo o‘zgani!

SHAHNOZA RO‘ZIYeVA