Xotira (2019)

Gulzorlar ichida tanho ketarman,
Orzular og'ushida o‘yga tolarman.
Shirin damlarimni yodga olarman,
Taftingni his etib, mudom ketarman.

Osmonni egallab bulut qoplardi,
Marjondek donalab, yomg'ir yog'ardi.
Olisdan yoqimli kuylar yangrardi,
Tuyg'ular xayolni olib qochardi.

Nogahon uchrashsa, qizarar yuzlar,
Tilimiz ojizdir, so'zlashar dillar,
Yuraklar yurakka bog'lanib borar,
Ikki qalb otashi alanga olar.

Yomg'irlar maydalab hamon yog'ardi,
Kechamiz tugallab, tonglar otardi,
Muhabbat qissasi tugab borardi,
Ayriliqni sezgan dil unsiz yig'lardi.

Qaniydi, o‘sha kun kelsaydi qaytib,
Kechardim hurliqo qizlardan o‘tib.
Poyingga yiqilib, izlaring o‘pib,
Jonimni berardim qo‘lingga tutiib.

Yusupova Zulfiya.