Yetolsam

Kulgulari go'zal qiz.
Orzulari osmon qiz.
Yuragimga o't solib,
Aldab yurgan yomon qiz.

Nozlari dilim yoqar.
Jilmayib kulib boqar.
Silab shamol sochlarin,
Ro'moli soyda oqar.

Qani endi yetolsam,
Shu qizning visoliga.
Qani endi yetolsam,
Soydagi ro'moliga.

Baxtli bo'lardim tanxo,
Ko'ngliga yoqib qolsam.
Ayirmagin ey xudo,
Na qilay axir sevsam.

Sevishimni bilmaydi,
Kimda shirin hayoli.
Hamon qo'lim yetmaydi,
Soyda oqar ro'moli.

Qani endi yetolsam,
Shu qizning visoliga.
Qani endi yetolsam,
Soydagi ro'moliga.

13:34.17.01.2020

Muallif: Qodir Qaxxor