Yig'lama muhabbat

Unutdim alamning dardli kuyini,
Lek ko'ngil tubida qoldi jarohat.
Ayriliq qismatda bitilgan bari,
Ne sabab kuyunib yig'lar muhabbat.

Yig'lama muhabbat yurakni ezib,
Baxtingdan izlama bevafo yorni.
Bog'laringda yana gullar gullaydi,
Bag'ringga bosarsan erka bahorni.

Tuyg'ular ergashib seni ortingdan,
Og'rig'i avjlanib qiynoqqa solar.
Mehringga talpina ko'zlar jovdirab,
Toma-toma yoshlarim daryoga to'lar.

Yusupova Zulfiya