Yuragim (2019)

Yuragim bunchalar urmasang notinch,
Yelkangga g’amlarni yuklama ortib.
Tangrimdan so'rayman, senga bir o'tinch,
Qayg'uga dosh bermay,qolmagin qotib.

Xiyonat yo'lida yiqilib qancha,
Ko'z yumib dardingni qilmading doston.
Qismating bitigi qaritdi ancha,
Lek g'arib yuragim bo'lmading vayron.

Zardoblar yutmagin bag'ringni dog'lab,
Qoqilgan damlarda bo'lgin madorim.
Bu foniy dnyodan o'tmagin yig'lab,
Sen menga keraksan,chekinma zorim.

Goxida taqdirning zil sinovlaridan,
Asrolmay yanada ozor beraman.
Zaxrini sanchigan g'anim, yovlardan,
Faryodla ko'ksimga mushtum uraman.