Ayol haqida sher 2019

Atirgul iforin sendan olganmi,
Chiroyi chehrangda aksi namoyon.
Yuraging poyonsiz ishqqa to'lganmi,
Suysa kim hajringda Mashrabu- devon.

Ta'rifing lutfidan g'azallar bitib,
Mehringni taftida olam qaynaydi.
Xayratdan zabonlar aylanmay qotib,
Poyingda chamanlar unib yashnaydi.

Borliging olamni munavvar aylab,
Cho'kkan ko'ngillarga quvonch ulashar.
Bardoshing kuchidan g'ayratlar oshib,
Umidlar so'nmayin abadiy yashar.

Yusupova Zulfiya.