Begona yurtdagi sog'inch

Olis-olislardan keladi sado,
Qulog'im ostida shivirlar nido.
Mushtipar onamning unsiz yig'lashi,
Yo'limga ko'z tikib, bag'rin tig'lashi.

Qizlarning orasida bormi sho'x singlim,
Akajon deb, har dam ko'targan ko'nglim.
Mehrini ayamay sochgan farishtam,
Keling deb, xat yozgan, uzilmas rishtam.

Yoningda qalqondek turmadim ukam,
Bo'ying baravar oltinga ko'msamda kam.
Safarim qarimoqda kutyapman shoshib,
Boraman ko'pirgan ummondek toshib.

To'lin oy tunlari nurlarin sochsa,
Yorimga talpinib hayolim qochsa.
Erkalay dudug'ing nozli niholim,
Sochlari mayindek burama tolim.

Sizlar bor baxtimning payoni butun,
Bildimki boylikdan qadringiz ustun.
Yolg'izlik asiri tik boshim egar,
Sog'inchning azobi yurakka tegar.