ERKAKNI DESANGIZ

Erkakni desangiz lapashang, latta,
Lattaning ayoli bo‘lib yashaysiz.
Erkakni desangiz nur ziyom, baxtim,
Shodligi quvonchga to‘lib yashaysiz.

Erkakni desangiz aroqxo‘r, noqis,
Boshingiz kaltakka berib yashaysiz.
Erkakni desangiz bog‘bonim bog‘im,
Turfa xil gullarni terib yashaysiz.

Erkakni desangiz ziqna, dangasa,
Bitta atirgulni kutib yashaysiz.
Erkakni desangiz sultonim, shohim,
Malikalardan xam o‘tib yashaysiz


DILDORA ABDINAZAROVA