G'azallar

Бу дард мени бир кун бориб адо қилмаса кошки,
Телба бошим ўз танидан жудо қилмаса кошки.
Аҳволим бул кун бисёр ёмон бўлди эй дўстлар,
Ақлимни олиб буткул , гадо қилмаса кошки.
Билур ҳолим ул бевафо не ҳадга етганимни,
Жондин кечиб ажалга ризо қилмаса кошки.
Айрилмишам ҳушимдан нетай мастонавормен,
Ҳолимдан хабар топгач фано қилмаса кошки.
Кунгилга қулоқ солмоқ бало бўлди бошимга,
Зулмини ул ёр яна аъло қилмаса кошки.
Сокин!, сени ўз кунгилинг буйин эгмас ўзингга,
Эл ичра бу дард сени расво қилмаса кошки.
**********************************************
Эй нигорим!, мен ғарибни кургали сиз бир келинг,
Нечук аҳволим бул кун сургали сиз бир келинг.
Интизор бўлди бул кун сафро тула кўзларим,
Қийнамасдан бу жонимни олгали сиз бир келинг.
Интизорлик торта-торта сарғайибдур гул юзим,
Сувсиз, сулғин бу япроқга боқгали сиз бир келинг.
Бир жонимни азроил олмасидан аввали,
Такдим этай сизга жоним олгали сиз бир келинг.
Сўзларимни ваҳм деманг, ҳолимиз беҳад ёмон
Бир назокат, бир илтифот этгали сиз бир келинг.
Гуноҳи азим экан сизга кунгил бермоқлик,
Сокиннинг гуноҳидан ўтгали сиз бир келинг